Meherka Qaaliyeeya: Ma Bini’aadam baa la Iibsanayaa?

Sheekh Mustafe X. Ismaaciil ayaa ka hadlay arrinta ku saabsan in meherka la qaaliyeeyo, gaar ahaan marka lagu xuso tiro aad u badan oo gara...

Sheekh Mustafe X. Ismaaciil ayaa ka hadlay arrinta ku saabsan in meherka la qaaliyeeyo, gaar ahaan marka lagu xuso tiro aad u badan oo garaam oo dahab ah.

Sheekhu waxa uu su’aal geliyey qiimaha xad-dhaafka ah ee mararka qaar lagu xidho meherka, isaga oo tilmaamay in bini’aadamku ka qiimo badan yahay dahabka, isla markaana guurku aanu ahayn wax la isku iibsanayo.

“Waxaa jirta in meherka la qaaliyeeyo oo la yiraahdo dhowr boqol oo garaam oo dahab ah. Dhowrka boqol ee garaam ee dahabka ah, ma bini’aadam baa la iibsanayaa?”

Sheekh Mustafe ayaa sidoo kale carrabka ku adkeeyey in qiimaha bini’aadamku aanu dahab goyn karin, balse dadka ay mararka qaar waxyaabo badan isku daraan oo ay arrinta meherka ka dhigaan mid aad qaali u ah.

“Bini’aadamka dahabku ma gooyo, uu ka qaalisan yahay, laakiin dadku waxbay isku darsanayaane isma iibsanayaan.”

Hadalka Sheekh Mustafe wuxuu iftiiminayaa muhiimadda ay leedahay in laga fogaado   in meherka iyo guurka laga dhigo lacag xad-dhaafka, iyo muhiimada ay leedahay in fahmo in guurku yahay nolol wadaag iyo masuuliyad, ee aanu ahayn is-iibsi ama tartan lagu muujiyo hantida.

Kalsoor Media ✍️
Diinta • Dhaqanka • Arrimaha Bulshada