MUSAABAQADA QUR’AANKA KARIIMKA AH IYO QIRAA’AATKA

  Waxaa maanta oo ah Axad, 13-ka Sebtembar 2026, si rasmi ah uga bilaabatay magaalada Hargeysa munaasabadda sannadlaha ah ee Musaabaqada Qur...

 

Waxaa maanta oo ah Axad, 13-ka Sebtembar 2026, si rasmi ah uga bilaabatay magaalada Hargeysa munaasabadda sannadlaha ah ee Musaabaqada Qur’aanka Kariimka ah iyo Qiraa’aatka, oo sannadkan galay sanadkii 11-aad.

Musaabaqadan oo sannadihii hore ay ka qayb geli jireen oo keliya tartamayaal Soomaaliyeed, laakiin sannadkan markii ugu horreysay ayaa loo beddelay musaabaqo caalami ah, iyadoo ay ka qaybgalayaan tartamayaal ka kala socda in ka badan 15 dal oo dunida ah.

Musaabaqaddu waxay si rasmi ah u bilaabatay maanta, 13-ka Sebtembar 2026, waxaana la filayaa inay soo gabagabowdo Jimcaha, 18-ka Sebtembar 2026.

Munaasabaddan ayaa ah fursad muhiim ah oo lagu dhiirrigelinayo barashada, xifdinta iyo ku-dhaqanka Kitaabka Alle, iyadoo sidoo kale ay xoojinayso xiriirka iyo is-dhexgalka bulshada Muslimiinta ee caalamka.

Kalsoor Media waxay idiin soo gudbin doontaa wararka, muuqaalada iyo dhacdooyinka la xiriira musaabaqadan caalamiga ah.